|
Procrastination / דאָס באַלעמוטשעניש
האָט איר אַ טענדענץ אָפּצולייגן אין דער לאַנגער באַנק אַרײַן? אויב אַזוי זענט איר אפֿשר אַ שטיקל באַלעמוט! אַ באַלעמוט איז איינער וואָס לייגט אָפֿט מאָל אָפּ עובֿדות וואָס זיי דאַרפֿן זיך מיט זיי פֿאַרנעמען. דער אָפּלייגער לייגט אָפּ צוליב פֿאַרשידענע סיבות, צווישן זיי: דאָס זײַן אַ פּערפֿעקציאָניסט אָדער אַ מורא אַדורכצופֿאַלן; אַ קנאַפּע מאָטיווירונג; אַ געפֿיל פֿון זײַן איבערן קאָפּ; אָדער – פּראָסט־פּשוט – אַ שוואַכע צײַט־פּלאַנירונג. בדרך־כּלל מײַדט אַזאַ מענטש אויס שווערע, נודנע אָדער אָנגעשטרענגטע אַרבעט און שטאָטס דעם פֿאַרנעמען זיי זיך גיכער מיט לײַכטערע און מער הנאהדיקע אַקטיוויטעטן. כאָטש דער באַלעמוט פֿילט געוויינלעך אַ צײַטווײַליקע אָפּשפּאַנונג פֿונעם דרייען זיך אויפֿן קאָריק, דערפֿירט דאָס אָפֿט מאָל צון אַ דריקונג און צום יאָגן זיך צו פֿאַרענדיקן אַן עובֿדה אין דער סאַמע לעצטער מינוט. פֿאַר אַ צולאָג קער דאָס דערפֿירן צום אַרויסענדיקן אַן אַרבעט וואָס איר קוואַליטעט איז נישט אַזוי אײַ־אי־אײַ…
[HOT IR A TENDÉNTS ÓPTSULEYGN IN DER LÁNGER BANK ARÁYN? OYB AZÓY ZENT IR ÉFShER A ShTIKL BALEMÚT! A BALEMÚT IZ ÉYNER VOS LEYGT OFT MOL OP ÚVDES VOS ZEY DARFN ZIKh MIT ZEY FARNÉMEN. DER ÓPLEYGER LEYGT OP TSULÍB FARShÍDENE SÍBES, TSVIShN ZEY: DOS ZAYN A PERFEKTSYONÍST ÓDER A MÓYRE ADÚRKhTSUFALN; A KNÁPE MOTIVÍRUNG; A GEFÍL FUN ZAYN ÍBERN KOP; ÓDER – PROST-PÓShET – A ShVÁKhE TSÁYT–PLANÍRUNG. BEDÉREKh-KLÁL MAYDT AZÁ MENTSh OYS ShVÉRE, NÚDNE ÓDER ÓNGEShTRENGTE ÁRBET UN ShTOTS DEM FARNÉMEN ZEY ZIKh GÍKhER MIT LÁYKhTERE UN MER HANÓEDIKE AKTIVITÉTN. KhOTSh DER BALEMÚT FILT GEVÉYNLEKh A TSÁYTVAYLIKE ÓPShPANUNG FÚNEM DRÉYEN ZIKh AFN KÓRIK, DERFÍRT DOS OFT MOL TSUN A DRÍKUNG UN TSUM YOGN ZIKh TSU FARÉNDIKN AN ÚVDE IN DER SÁME LÉTSTER MINÚT. FAR A TSÚLOG KER DOS DERFÍRN TSUM ARÓYSENDIKN AN ÁRBET VOS IR KVALITÉT IZ NIShT AZÓY AY-AY-AY…]
Do you have a tendency to procrastinate? If so, perhaps you’re a bit of a procrastinator! A procrastinator is someone who often postpones tasks that they need to complete. People procrastinate for many reasons, including: being a perfectionist or having a fear of failure, little motivation, feeling overwhelmed, or simply poor time management. They usually avoid difficult, boring, or stressful work and prefer easier or more enjoyable activities instead. While procrastinators might feel temporary relief from putting things off, it often leads to stress, rushing to finish tasks at the last minute, which can moreover result in a job of lower quality…
avoid: אױסמײַדן; פֿאַרמײַדן; װײַכן פֿון
[ÓYSMAYDN; FARMÁYDN; VAYKhN FUN]
delay (v.): אָפּלײגן; אָפּהאַלטן; פֿאַרהאַלטן; פֿאַרציִען
[ÓPLEYGN; ÓPHALTN; FARHÁLTN; FARTSÍEN]
engage in: באַשעפֿטיקן ‹פֿאַרנעמען› זיך מיט
[BAShÉFTIKN ‹FARNÉMEN› ZIKh MIT]
fear of failure: די מורא (אַ)דורכצופֿאַלן
[DI MÓYRE (A)DÚRKhTSUFALN]
overwhelmed: איבערגענומען; איבערן קאָפּ; אָן אַ קאָפּ
[ÍBERGENUMEN; ÍBERN KOP; ON A KOP]
perfectionist: דער פּערפֿעקציאָניסט, ־ן
[DER PERFEKTSYONÍST, -N]
procrastinate: אָפּלײגן (אין דער לאַנגער באַנק אַרײַן); מאַכן שהיות; באַלעמוטשע|ן; הײַע|ן (זיך); קראַצן זיך; דרייען זיך אויפֿן קאָריק
[ÓPLEYGN (IN DER LÁNGER BANK ARÁYN); MAKhN ShÍES; BALEMÚTShE|N; HÁYE|N (ZIKh); KRATSN ZIKh; DRÉYEN ZIKh AFN KÓRIK]
procrastination: דאָס אָפּלײגן; דאָס מאַכן שהיות; דאָס באַלעמוטשעניש; די הײַקע
[DOS ÓPLEYGN; DOS MAKhN ShÍES; DOS BALEMÚTShENISh; DI HÁYKE]
procrastinator: דער אָפּלײגער, ־ס; דער באַלעמוט, ־ן
[DER ÓPLEYGER, -S; DER BALEMÚT, -N]
stress: די דריקונג, ־ען; דער דרוק, ־ן; דער (אָנ)דריק, ־ן
[DI DRÍKUNG, -EN; DER DRUK, -N; DER (ÓN)DRIK, -N]
stressful: אָנגעשטרענגט; דריקנדיק
[ÓNGEShTRENGT; DRÍKNDIK]
task: די עובֿדה ‹עובֿדא›, ־ות; די אַרבעט, ־ן; דאָס טועכץ, ־ן/־ער; די ●אױפֿגאַבע, ־ס
[DI ÚVDE ‹ÚVDE›, -S; DI ÁRBET, -N; DOS TÚEKhTS, -N/-ER; DI ●ÚFGABE, -S]
time management: די צײַט־פּלאַנירונג
[DI TSÁYT-PLANÍRUNG]
● = of doubtful acceptability in Standard Yiddish
|
