די ייִדיש־ליגע איז פֿאַרלײגט געװאָרן אין 1979 פֿונעם חשובֿן לינגװיסט און פּראָפֿעסאָר ד”ר מרדכי שעכטער כּדי צו געבן אַן אָרגאַניזאַציאָנעלן אונטערשפּאַר דער מאָדערניזירונג, נאָרמירונג און באַניץ פֿון דער ייִדישער שפּראַך אין אַלע אַספּעקטן פֿונעם טאָג־טעגלעכן לעבן. די ייִדיש־ליגע איז אײנע פֿון די זעלטענע אָרגאַניזאַציעס אין דער הײַנטיקער שפּראַכיקער און קולטורעלער ייִדיש־סבֿיבֿה װאָס פֿירט אַלע אירע אַקטיװיטעטן כּמעט אין גאַנצן אױף מאַמע־לשון. אונדזערע מיטגלידער געפֿינען זיך אױף זעקס קאָנטינענטן.
וועגן אונדז
About Us
די מיסיע
פֿון דער ייִדיש־ליגע נעמט אַרײַן אָט די צילן:
-
דאָס מוטיקן מענטשן צו רעדן ייִדיש אינעם טאָג־טעגלעכן לעבן
-
דאָס פֿאַרשפּרייטן דאָס וויסן וועגן ייִדיש ווי אַ לעבעדיקע שפּראַך
-
דאָס שטיצן די ליטעראַרישע און קינסטלערישע שעפֿערישקייט אויף ייִדיש
-
דאָס שטיצן די מאָדערניזירונג פֿון מאַמע־לשון
װי אַזױ דערגרײכן מיר די צילן?
מיר גיבן אַרויס און פֿאַרשפּרייטן אונדזער ייִדיש־שפּראַכיקן געזעלשאַפֿטלעך־ ליטעראַרישן זשורנאַל אױפֿן שװעל
מיר פֿאַרשפּרייטן די פּאָפּולערע „ווערטער פֿון דער וואָך“ (אַקטועלע טערמינאָלאָגישע רשימות) דאָ אויף אונדזער וועבזײַטל, ווי אויך אויף פֿייסבוק, טוויטער און אינסטאַגראַם
מיר פּראָדוצירן „ייִדיש הײַנט“ – דירעקטע און רעקאָרדירטע אינטערוויוען מיט באַקאַנטע און ווייניקער באַקאַנטע פּערזענלעכקייטן אין דער ייִדיש־וועלט
מיר האָבן אַרויסגעגעבן דאָס אַרומנעמיק ענגליש־ייִדיש ווערטערבוך (פֿאַרלאַג בײַם אינדיאַנע־אוניווערסיטעט/ייִדיש־ליגע, 2016; צווייטע פֿאַרגרעסערטע אויסגאַבע, 2021) – דאָס סאַמע מאָדערנסטע און ברייט־פֿאַרנעמיקסטע ענגליש־ייִדישע ווערטערבוך וואָס מע קען הײַנט קריגן
מיר האָבן געשאַפֿן און האַלטן אונטער דעם אָנלײַן־נוסח פֿונעם אַרומנעמיק ענגליש־ייִדיש ווערטערבוך, וואָס ווערט רעגולער דערהײַנטיקט
מיר האָבן פּראָדוצירט דעם דאָקומענטאַרן פֿילמען־פּראָיעקט ,,אַ װעלט מיט װעלטעלעך: שמועסן מיט ייִדישע שרײַבערס“
מיר גיבן אַרויס און פֿאַרשפּרייטן סטודענטיש לייענוואַרג, אַרײַנגערעכנט: שלום־עליכם — מאָטל פּייסע דעם חזנס באַזירט אויף זײַן גאָר חנעוודיקע מעשׂהלעך
מיר פֿאַרקויפֿן אין אונדזער אָנלײַנקראָם פּעדאַגאָדישע פּובליקאַציעס אויף ייִדיש
מיר פֿירן דורך קולטורעלע פּראָגראַמען
געוועזענע רעדאַקטאָרן
גיט דאָ אַ קוועטש צו לייענען וועגן דער געשיכטע פֿון דער ייִדיש־ליגע, אַרײַנגערעכנט די געוועזענע רעדאַקטאָרן פֿון אויפֿן שוועל.
ווער מיר זענען
באַקענט זיך מיט דער חבֿרה וואָס שטיצט ייִדיש־לשון און די מיסיע פֿון דער ייִדיש־ליגע
אין דער פּרעסע
-
How do You Say ‘Email’ in Yiddish
Joseph Berger
-
How Do You Talk Dirty in Yiddish?
Jordan Kutzik
-
Yivo and League for Yiddish Showcase ‘Other Zions: From Freeland to Yiddishland’
Masha Leon