אַ ווינקל גאַנצקייט: לידער און צײכענונגען
בײלע שעכטער־גאָטעסמאַן, 2012
די זאַמלונג אַ ווינקל גאַנצקייט איז כּולל איבער 100 זײַטן מיט לידער און איבער 38 צייכענונגען פֿון דער באַקאַנטער פּאָעטעסע ביילע שעכטער־גאָטעסמאַן.
אויב
אױב עמעצער האָט געניצט מײַן װאָרט
געלײענט עס און געניצט װי דאָרט
זאָל עס אים װױל באַקומען.
אױב װער ס’האָט געהערט מײַן װאָרט
און נאָכגערעדט װי ס’מאָנט זיך דאָרט
װעט עס אים צו ניץ קומען.
נאָר טאָמער מ’האָט געלײענט
צי געהערט מײַן װאָרט
און געניצט אױפֿן פֿאַלשן אָרט
מיט אַ כיטרען צי מיט פֿאַלשן מײן
זאָג איך: נײן!
