שלום־עליכמס קלאַסיש ווערק מאָטל פּייסע דעם חזנס (פֿאַרקירצט און באַאַרבעט פֿאַר סטודענטן מיט געניטונגען, גלאָסאַרן און אַ קלאַנג־רעקאָרדירונג), רעדאַקטירט פֿון שבֿע צוקער און חנה גאַווענדאַ, איז געצילט און צוגעפּאַסט צו הײַנטיקע ייִדיש־סטודענטן און איז אַן אויסערגעוויינטלעכער לערן־מכשיר.

דער טעקסט איז כּולל אַכט קאַפּיטלעך, אײַנגעטײלט אויף קלענערע קאַפּיטעלעך, גאַנץ אָפֿט אין עפּעס אַ געקירצטער און פֿאַרגרינגערטער פֿאָרעם אָבער נאָך אַלץ מיטן טעם און חן פֿונעם מקור. יעדעס קאַפּיטעלע האָט אַ גלאָסאַר און צום סוף פֿונעם ביכל געפֿינט זיך אויך אַן אַלגעמיינער גלאָסאַר. דערצו ווערט יעדעס קאַפּיטעלע באַלייט פֿון געניטונגען און אַ סך ווערן אויך באַלייט פֿון אילוסטראַציעס פֿון פֿאַרשיידענע קינסטלערס. די קלאַנג־רעקאָרדירונג פֿונעם גאַנצן טעקסט (צו באַקומען אָדער אין קאָמפּאַקטל־פֿאָרמאַט, אָדער אין אַ שליסלדיסק, אָדער צום קויפֿן באַזונדער ווי אַ דירעקטן אַראָפּלאָד פֿון דער בענדקעמפּ־לינק װערט פֿאָרגעלייענט פֿון שבֿע צוקער.

גיט דאָ אַ קוועטש כּדי צו קויפֿן